Fréttir

Íslendingar átu íslenskt um hátíðarnar samkvæmt upplýsingum frá Félagi afurðastöðva en þar eru menn afar sáttir við kjötsöluna fyrir hátíðarnar. Nokkur aukning virðist vera í kjötsölu á milli ára. Sölutölur fyrir síðasta ár liggja ekki fyrir en að sögn Sigurðar Jóhannessonar, framkvæmdastjóra SAH afurða á Blönduósi og formanns Félags afurðastöðva, virðist vera nokkur aukning í kjötsölu á milli ára.

Það er hefð fyrir því að íslendingar geri vel við sig í mat og drykk um jól og áramót.  Mikið er keypt inn af girnilegum matvælum sem tilreidd eru í eldhúsum heimilanna fyrir jól og yfir hátíðar. Mikilvægt er að huga vel að réttri meðferð matvæla, svo komast megi hjá því að sjúkdómsvaldandi örverur spilli jólagleðinni. Inn á heimasíðu Matvælastofnunar má finna góð ráð til að tryggja örugg matvæli um jólin. Sjá ráðin, smellið hér.

Haustslátrun 2008 á dilkum er nú lokið, bæði á Blönduósi og Vopnafirði. Slátrun gekk mjög vel, aukning varð á báðum stöðum og meðalfallþungi er umtalsvert meiri í ár en í fyrra, eða ríflega 16 kg.

Allir þekkja hið fræga Kjarnafæði pepperoni, enda margverðlaunað og einstakt pepperoni. Nú hefur Kjarnafæði líka sett á markað kjötbúðing með pepperonibitum í. Pepperonibúðingurinn frá Kjarnafæði er þrusugóður enda ekkert til sparað því Pepperonibúðingurinn inniheldur 25% Kjarnafæði pepperoni og því bragðmikill og ljúffengur í senn.

Íslenska kokkalandsliðið náði glæsilegum árangri á Ólympíumóti matreiðslumeistara í Erfurt í Þýskaland. Íslenska landsliðið gerði sér lítið fyrir og tók inn tvö gull, annars vegar fyrir heita matinn og eitt fyrir kalda borðið. Þar að auki hlaut landsliðið tvö silfurverðlaun fyrir kalda borðið.

Jóhannes Steinn Jóhannesson varð í gær matreiðslumaður ársins. Úrslitakeppnin fór fram í Hótel og Veitingaskólanum í Kópavogi í gær, keppendur byrjuðu klukkan 08;00 og fyrstu skiluðu klukkan 13;00 og svo á 10 mín. fresti.

Landslið Íslands í matreiðslu stendur í ströngu þessa dagana við æfingar fyrir Ólympíuleikana sem haldnir verða síðar á þessu ári í Þýskalandi.  Mikil vinna við útfærslu hugmynda er að baki og framundan er tímabil þar sem framleiðsla á réttunum er þaulæfð og öll vinnubrögð fínpússuð þannig að allt verði fullkomið þegar að keppninni kemur.

Í upphafi skólatíðar er vert að vekja athygli á að kjötvörur frá Kjarnafæði eru mjólkurlausar, að lifrarpylsu undanskilinni. Má þar meðal annars nefna pylsur, kjötfars, kjötbúðinga, álegg og bjúgu.

Anna Bryndís Stefánsdóttir skrifaði nýlega undir samning við Kjarnafæði um að hefja nám í kjötiðn. Anna bætist við fríðan hóp kjötiðnaðarnema Kjarnafæðis, sem eru nú fjórir. Anna hefur starfað hjá Kjarnafæði í nokkur ár og er öllum hnútum kunnug hjá félaginu. Meistari Önnu er Eðvald Valgarðsson.

Kjarnafæði hefur hafið sölu á forsteiktum lambakótelettum í mötuneytispakkningum. Forsteiktu lambakóteletturnar eru hjúpaðar raspi og tilbúnar beint í ofninn. Forsteiktu lambakóteletturnar frá Kjarnafæði eru úr íslensku úrvals lambakjöti – engum aukaefnum er bætt við, heldur er um að ræða 100% hreint hráefni.