Fréttir

Kjarnafæði hefur hafið sölu á nýrri áleggstegund, léttreykt kjúklingaálegg. Léttreykta kjúklingaáleggið frá Kjarnafæði er sérlega bragðgott álegg með mildu reykbragði, tilvalið á smurt brauð, í samlokur, pastarétti, eggjakökur o.fl.

Það er ekki á hverjum degi sem fyrirtæki á Íslandi verða 100 ára, en í dag þann 26. febrúar eru nákvæmlega 100 ár liðin frá stofnun Sölufélags Austur Húnvetninga svf. Ekki verður annað sagt en að afmælisbarnið beri aldurinn vel og hafi braggast allnokkuð á liðnum áratugum.

Fleiri hundruð krakka heimsóttu starfsstöðvar Kjarnafæðis á Akureyri og Svalbarðseyri í dag. Öskudagsbúningarnir voru alveg frábærir í ár og einnig voru söngvarnir skemmtilegir. Við þökkum öllum sem lögðu leið sína til okkar. Sjá myndir, smelltu hér.

Sjáðu auglýsinguna fyrir Kjarnafæði pepperoni, smelltu hér.  

Það eru komnar myndir frá tökunum á pepperoni auglýsingunni.   Sjá myndir, smelltu hér

Kjarnafæði hefur tekið í notkun nýja útgáfu af bókhaldskerfinu Ópusallt.Net. Ópusallt.Net er nýjasta útgáfa Ópusallt en að baki er ströng en markviss þriggja ára þróunarvinna sem hafði það að meginmarkmiði að nýta sér allt það nýjasta í hugbúnaðargerð en um leið að halda í alla þá góðu eiginleika sem Ópusallt er orðlagt fyrir. Nýja uppfærslan er töluvert frábrugðin þeirri eldri, mun þægilegri í viðmóti og gefur möguleika á betri yfirsýn yfir reksturinn.  Það er Hugur/Ax sem þjónustar Kjarnafæði með Ópusallt.

Í kvöld (mánudag) fer af stað auglýsingaherferðin með nýju pepperoni auglýsingunum. Auglýsingarnar voru frumsýndar á gamlárskvöld en fara núna í fulla keyrslu. Áhugasamir geta fylgst með auglýsingahléinu fyrir Kastljós á RÚV í kvöld og svo Heroes á Skjá 1.

Það stóð mikið til við undirbúning á nýju auglýsingunum fyrir Kjarnafæði Pepperoni. Það þurfti að útvega og flytja kvikmyndatökubúnað og aðrar græjur fyrir auglýsingatökur. Kvikmyndagerðarfólkið kom að mestu erlendis frá, sem og frá Reykjavík og því þurfti að skipuleggja ferðir fram og aftur, gistingar og fæði. Svo fór að sjálfsögðu mestur tími í að breyta Íþróttahúsinu í Síðuskóla í kvikmyndaver, setja upp sviðsmynd og kvikmyndatökubúnaðinn.

Nýr sölumaður, Jóhann Hansen, hefur tekið til starfa í Reykjavík. Jóhann mun sinna eftirfarandi Bónus verslunum: Hólagörðum, Skútuvogi, Faxafeni, Mosfellsbæ, Spöng, Ögurhvarfi og Kjörgarði. Síminn hjá Jóhanni er 460-7439/840-7439 og netfangið er johann@kjarnafaedi.is.

Nýja auglýsingin fyrir Kjarnafæði Pepperoni var sérlega umfangsmikil og líklega umfangsmesta auglýsing sem gerð hefur verið norðan heiða. Á meðan tökum stóð var mikið um að vera, enda þurfti að ljúka miklum og flóknum tökum á stuttum tíma. Tökurnar stóðu yfir 20-22 júní og var íþróttahúsinu við Síðuskóla breytt í kvikmyndaver á meðan á tökum stóð.