Fréttir

Jólamaturinn á N4

Skemmtilegur þáttur var sýndur á sjónvarpsstöðinni N4 um jólamatinn. Í þættinum er viðtal við Ólaf R. Ólafsson, sölustjóra Kjarnafæðis, um hangikjötsframleiðslu og Guðmund frá Mýri, eiganda Bautans, um eldun á veislumatnum. Þáttinn má sjá á vefsíðu N4 eða smella hér.
Lesa meira

Stórglæsilegt Stóreldhús

Sýningin Stóreldhúsið 2007 var haldin á hinu glæsilega Grand Hótel Reykjavík fimmtudaginn 8. og föstudaginn 9. nóvember síðastliðinn. Sýningin var hin glæsilegasta í alla staði og mikill fjöldi fagfólks úr matvælaiðnaði, mötuneytum og stóreldhúsum sóttu sýninguna. Myndir frá sýningunni eru komnar á heimasíðuna (smella hér).
Lesa meira

STÓRELDHÚSIÐ 2007

Sýningin Stóreldhúsið 2007 verður haldin á hinu glæsilega Grand Hótel Reykjavík fimmtudaginn 8. og föstudaginn 9. nóvember næstkomandi. Sýningin hefst kl. 12.00 og lýkur u.þ.b kl. 18.30 báða daga.
Lesa meira

Kjötsúpa á 1. vetrardag

Sá skemmtilegi siður hefur myndast að landsmenn sjóði sér íslenska kjötsúpu á fyrsta degi vetrar, því þegar Vetur konungur heldur innreið sína og kaldir vindar næða er gott að koma heim í hlýjuna, setja pott á eldavélina og elda gómsæta, ilmandi, heita og nærandi íslenska kjötsúpu.
Lesa meira

Yfir 10 þúsund gestir á MATUR-INN 2007

Talið er að yfir 10 þúsund manns hafi lagt leið sína á sýninguna MATUR-INN 2007 sem haldin var í Verkmenntaskólanum á Akureyri um helgina og helguð varð norðlenskum mat og matarmenningu. Fyrir sýningunni stóð félagið Matur úr héraði – Local Food og tóku um 60 norðlenskir sýnendur þátt í henni. Sýning undir sama nafni var haldin fyrir tveimur árum en bæði sýnendafjöldi og aðsókn var tvöfalt meira í ár. Einar K. Guðfinnsson, sjávarútvegs- og landbúnaðarráðherra, opnaði sýninguna formlega á laugardag og lýsti yfir mikilli ánægju með það sem fyrir augu hans bar á sýningarsvæðinu.  Ýmsar keppnir og viðburðir fóru fram samhliða sýningunni og vöktu mikla athygli sýningargesta.
Lesa meira

Þakkir frá Kjarnafæði

Kjarnafæði vill þakka öllum þeim sem lögðu leið sína á bás Kjarnafæðis á sýningunni Matur-inn 2007 um helgina. Við erum þakklát fyrir þau jákvæðu viðbrögð og áhuga sem básinn okkar fékk og vonum við að allir hafi haft ánægju af heimsókninni.
Lesa meira

'Jóndi' kjötiðnaðarnemi ársins 2007

Úrslitakeppni um titilinn Kjötiðnaðarnemi ársins 2007 fór fram á sýningunni Matur-inn 2007 í Verkmenntaskólanum á Akureyri í dag. Tilkynnt var síðdegis að dómnefnd hefði úrskurðað Jón Þór, betur þekktan sem Jónda, kjötiðnaðarnema hjá Kjarnafæði, sigurvegara keppninnar. Kjarnafæði óskar Jónda innilega til hamingju með þennan frábæra árangur.
Lesa meira

Þráinn Freyr matreiðslumaður ársins 2007

Lokakeppni Klúbbs matreiðslumeistara um titilinn Matreiðslumaður ársins 2007 fór fram á sýningunni Matur-inn í Verkmenntaskólanum á Akureyri í dag. Tilkynnt var síðdegis að dómnefnd hefði úrskurðað Þráinn Frey Vigfússon, matreiðslumann á Grillinu Hótel Sögu, sigurvegara keppninnar.
Lesa meira

Matur-inn 2007

Það er troðfullt hús af fólki á sýningunni Matur-inn 2007 og starfsmenn Kjarnafæðis standa í ströngu í básnum við að gefa fólki smakk af hinum frábæru framleiðsluafurðum fyrirtækisins. Talið er að um 5000 manns hafi mætt á fyrri dag sýningarinnar og hafði starfsfólk sýningarinnar nóg að gera. Mikil ánægja er meðal sýningargesta og sýnenda enda sýningin öll hin glæsilegasta. Sýningunni verður haldið áfram á sunnudag, frá kl. 11-17.
Lesa meira

Norðlenskum mat og matarmenningu gerð skil á sýningunni MATUR-INN 2007

Um næstu helgi verður sýningin MATUR-INN 2007 haldin í Verkmenntaskólanum á Akureyri. Fyrir henni stendur félagið Matur úr héraði – Local Food og er sýningunni ætlað að endurspegla fjölbreytni í mat og matarmenningu á Norðurlandi. Sýning undir sama nafni var haldin fyrir tveimur árum en sýnendur nú eru nálega helmingi fleiri og dagskrá ennþá fjölbreyttari. Meðal viðburða á sýningunni er úrslitakeppni Klúbbs matreiðslumeistara um titilinn Matreiðslumaður ársins 2007. Sýningin verður opin kl. 11 -17 á laugardag og sunnudag og er aðgangur ókeypis. Formleg opnun verður kl. 14 á laugardag þegar Einar Kr. Guðfinnsson, sjávarútvegs- og landbúnaðarráðherra, heimsækir sýninguna. ► Um 60 sýnendur ► Úrslitakeppni um titilinn „Matreiðslumaður ársins 2007“ ► Frumkvöðlaverðlaun félagsins „Matur úr héraði – Local Food“ veitt ► Markaðstorg, borðbúnaðarsýning, matreiðslukeppni þjóðþekktra einstaklinga, keppni í samlokugerð, fræðslustofur (workshop) og margt fleira  
Lesa meira