Lamba-framfille með sólberjasósu

Hitið 2 msk af olíu á pönnu og steikið lamba-framfille í 4-5 mín eða þar til það er vel brúnað á öllum hliðum. Kryddið með salti og pipar. Takið þá kjötið af pönnunni og setjið í eldfast mót. Bætið 2 msk af olíu á sömu pönnu og steikið laukinn í 1 mín án þess að brúna hann. Bætið þá sólberjasultu, sykri, balsamik ediki, púrtvíni, timjani og lárviðarlaufi á pönnuna og sjóðið niður um ¾ .

Fyrir 4

  • 2 msk olía
  • 800 g lamba-framfille (prime)
  • Salt og nýmalaður pipar
  • 2 msk olía
  • 1 rauðlaukur, smátt saxaður
  • 2-3 msk sólberjasulta
  • 1 msk sykur, má sleppa
  • ½ dl balsamik edik
  • 2-3 dropar worchestershire sósa
  • 1 dl púrtvín eða rauðvín, má sleppa
  • 1 lárviðarlauf
  • 2 timjangreinar
  • 2 dl lambasoð eða vatn og lambakraftur
  • 30 g kalt smjör í teningum

Hjúpur:

  • ½ dl rifið þurrkað rúgbrauð
  • ½ dl steinselja, smátt söxuð
  • 1 msk timjanlauf fersk
  • 2 msk gullflögur, má sleppa

Aðferð:

Hitið 2 msk af olíu á pönnu og steikið lamba-framfille í 4-5 mín eða þar til það er vel brúnað á öllum hliðum. Kryddið með salti og pipar. Takið þá kjötið af pönnunni og setjið í eldfast mót. Bætið 2 msk af olíu á sömu pönnu og steikið laukinn í 1 mín án þess að brúna hann. Bætið þá sólberjasultu, sykri, balsamik ediki, púrtvíni, timjani og lárviðarlaufi á pönnuna og sjóðið niður um ¾ . Þá er lambasoði bætt á pönnuna og soðið niður um ¼ . Takið þá pönnuna af hellunni og bætið smjörinu saman við. Hrærið þar til smjörið hefur bráðnað. Smakkið til með salti og pipar. Færið kjötið í 180°C heitan ofn í 3 mín. Takið þá kjötið úr ofninum í 3 mín. Endurtakið þar til kjötið er búið að vera í 9 mín í ofninum þá ætti kjötið að vera meðalsteikt. Látið kjötið standa í 5-7 mín í eldfasta mótinu. Veltið þá kjötinu uppúr kjötsafanum í eldfasta mótinu og síðan upp úr hjúpnum. Berið lamba-framfilleið fram með sólberjasósunni og t.d. nípumauki, steiktu grænmeti og kartöflum.

 
Verði ykkur að góðu!
 
Frekari upplýsingar: