Sítrónu, rósmarín og kaperslegnar og grillaðar lambalærisneiðar með kryddsmjöri

Fyrir 4

• 1 kg lambalærisneiðar
• ½ dl olía
• 1 msk rósmarín, smátt saxað
• 10 kapers, smátt saxað
• 1-2 hvítlauksgeirar, smátt saxaðir
• 4 msk steinselja, smátt söxuð
• Fínt rifinn börkur af 1 sítrónu
• Safinn úr hálfri sítrónu
• 1 ½ tsk nýmalaður pipar
• 2 tsk saltflögur

Setjið allt í skál nema salt og geymið í kæli í 2-24 klst. Takið þá kjötið úr kælinum og látið það ná stofuhita. Strúkið það mesta af olíunni af kjötinu og grillið við mikinn hita í 2 mín á hvorri hlið. Lækkið í miðlungshita og grillið í 8 mín í viðbót. Saltið.

Berið sneiðarnar fram með kryddsmjörinu og t.d. grilluðum kartöflum, grænmeti og salati.

Sítrónu, rósmarín og kaperssmjör

• 250 g smjör við stofuhita
• 10-15 kapers
• 1 msk rósmarín, smátt saxað
• 1 dl steinselja, gróft söxuð
• Safinn úr ½ sítrónu
• Fínt rifinn börkur af 1 sítrónu
• 1 tsk salt
• ½ tsk pipar

Allt sett í matvinnsluvél og maukað vel