Lambalæri bbq með kryddsmjöri

Fyrir 5-7

 

1 beinlaust lambalæri

3-4 hvítlauksgeirar, skornir í 4 báta hver

2 msk bbq krydd

1 dl bbq sósa

 

Skerið göt á lærið með hníf með jöfnu millibili og stingið hvítlauknum í götin. Kryddið lærið að innan og utan með bbq kryddinu. Vefjið hreinum blómaskreytingavír þétt utanum lærið. Þræðið lærið á grilltein og látið snúast á milliheitu gasgrillinu í 1 ½ -2 klst. Penslið lærið 2-3 sinnum með bbq sósunni síðustu 10 mínúturnar. Ef þið eruð ekki með grilltein má setja lærið á grillbakka á mitt grillið og kveikja á grillinu sitt hvoru megin við lærið. Snúið lærinu reglulega.

Látið lærið standa í 10-15 mín við stofuhita. Takið vírinn af lærinu og berið það fram með t.d. kryddsmjörinu, grilluðum kartöflum og grænmeti.

 

Kryddsmjör með sólþurrkuðum tómötum og kapers

300 g smjör við stofuhita

1 bolli sólþurrkaðir tómatar

1 msk kapers

1 msk timjanlauf

1 msk sítrónusafi

Salt og nýmalaður pipar

Allt sett í matvinnsluvél og maukað vel.