Saltkjöt og baunir eru ómissandi á sprengidaginn en þessi ljúffengi og næringarríki réttur er auðvitað góður allt árið.

Nýr sölumaður, Ólafur Már Þórisson, hefur tekið til starfa á Akureyri. Óli mun sinna öllum verslunum á Akureyri. Síminn hjá Óla er 460-7424/840-7427 og netfangið er olafurm@kjarnafaedi.is.

Íslendingar átu íslenskt um hátíðarnar samkvæmt upplýsingum frá Félagi afurðastöðva en þar eru menn afar sáttir við kjötsöluna fyrir hátíðarnar. Nokkur aukning virðist vera í kjötsölu á milli ára. Sölutölur fyrir síðasta ár liggja ekki fyrir en að sögn Sigurðar Jóhannessonar, framkvæmdastjóra SAH afurða á Blönduósi og formanns Félags afurðastöðva, virðist vera nokkur aukning í kjötsölu á milli ára.

Það er hefð fyrir því að íslendingar geri vel við sig í mat og drykk um jól og áramót.  Mikið er keypt inn af girnilegum matvælum sem tilreidd eru í eldhúsum heimilanna fyrir jól og yfir hátíðar. Mikilvægt er að huga vel að réttri meðferð matvæla, svo komast megi hjá því að sjúkdómsvaldandi örverur spilli jólagleðinni. Inn á heimasíðu Matvælastofnunar má finna góð ráð til að tryggja örugg matvæli um jólin. Sjá ráðin, smellið hér.

Sígilt meðlæti með hátíðarmat, þá sérstaklega reyktu kjöti.  Við mælum með því að nota hrásykur fremur en hefðbundinn strásykur, hrásykurinn gefur mun betra bragð - og svo má gera lúxusútgáfu með því að nota rjóma í staðinn fyrir vatn, þá fá kartöflurnar dásamlegan karmellukeim.

Súrsæt sósa er afar bragðgóð og vinsæl, ekki síst hjá krökkum. Hentugt er að gera sósuna fyrirfram og eiga í ísskáp, þá er fljótlegt að steikja kjötbita/bollur ásamt góðu grænmeti og bæta svo sósunni út á. Til eru ótal útgáfur af henni en þessi uppskrift er fengin frá Kötlu.

Gamaldags íslenskt brauð sem einfalt er að baka. Ódýrt, hollt og gott.

Haustslátrun 2008 á dilkum er nú lokið, bæði á Blönduósi og Vopnafirði. Slátrun gekk mjög vel, aukning varð á báðum stöðum og meðalfallþungi er umtalsvert meiri í ár en í fyrra, eða ríflega 16 kg.

Allir þekkja hið fræga Kjarnafæði pepperoni, enda margverðlaunað og einstakt pepperoni. Nú hefur Kjarnafæði líka sett á markað kjötbúðing með pepperonibitum í. Pepperonibúðingurinn frá Kjarnafæði er þrusugóður enda ekkert til sparað því Pepperonibúðingurinn inniheldur 25% Kjarnafæði pepperoni og því bragðmikill og ljúffengur í senn.

Íslenska kokkalandsliðið náði glæsilegum árangri á Ólympíumóti matreiðslumeistara í Erfurt í Þýskaland. Íslenska landsliðið gerði sér lítið fyrir og tók inn tvö gull, annars vegar fyrir heita matinn og eitt fyrir kalda borðið. Þar að auki hlaut landsliðið tvö silfurverðlaun fyrir kalda borðið.