Thelma hlaut silfurverðlaun
Thelma Björk Hlynsdóttir vann til silfurverðlauna í keppninni Þjónn ársins á Norðurlandakeppni matreiðslumanna og þjóna sem fram fór í Herning í Danmörku. Thelma Björk starfar sem þjónn á veitingastaðnum Olo í Finnlandi en það var einmitt Finni sem hreppti gullverðlaun í þjóna keppninni.
Þau Denis Grbic matreiðslumaður á Grillinu á Hótel Sögu og Iðunn Sigurðardóttir matreiðslumaður á Matarkjallaranum kepptu í matreiðsluhluta keppninar og stóðu sig mjög vel en komust ekki á pall. Það var Svíinn Isak Wigh sem var valinn Matreiðslumaður Norðurlandanna þar sem Denis keppti en aftur var það finni sem hlaut titilinn í flokki ungliða eða í sama flokki og Iðunn keppti.
Norðurlandakeppni matreiðslumanna og þjóna er ein sterkasta einstaklingskeppni í veitingageiranum og gríðalega hörð. Þetta kemur fram í fréttatilkynningu frá Klúbbi matreiðslumeistara og Kokkalandsliðinu en Kjarnafæði er einmitt stoltur samstarfsaðili klúbbsins.