Steingrímur J skoðaði Kjarnafæði

Guðni Konráðsson, Hreinn og Steingrímur

Þingmaður vinstri grænna og fyrrverandi fjármálaráðherra, Steingrímur J. Sigfússon kom við og skoðaði breytingarnar og stækkunina sem gerð hefur verið á framleiðsludeild og skrifstofuhúsnæði Kjarnafæðis á undanförnum mánuðum. Með Steingrími í för var Bjarkey Olsen Gunnarsdóttir þingmaður Vinstri Grænna og stendur hún á bakvið linsuna og á því heiðurinn af myndinni.

Á henni sýnir Hreinn Gunnlaugsson annar eigenda Kjarnafæðis, gestunum hvernig Guðni Konráðsson lagar Sveitakæfu. Steingrímur og Bjarkey komu við í Kjarnafæði áður en þau héldu í Vaðlaheiðargöng og kynntu sér gang mála í jarðgangnagerðinni í þeirra kjördæmi.