Nautasteik með steiktum lauk
Þegar eldaðir eru stórir vöðvar er best að nota kjöthitamæli. Kjötið miðlungs steikt þegar mælirinn sýnir 60°
Innihald:
- 1-2 kg nautainnanlæri (f. 6 manns)
- 1 msk. rósapipar
- 1 msk. nýmalaður pipar
- 2 msk. maldon sjávarsalt
- 1 grein rósmarín
- 1 stk. heill hvítlaukur
- 4 msk. ólífuolía
- Steiktur laukur
- 5 stk. laukar
- 6 stk. bökunarkartöflur
- salt
Aðferð:
Brúnið innanlærisvöðva í ólífuolíu á pönnu eða í potti, á öllum hliðum, við rjúkandi
hita. Kryddið með rósapipar, nýmöluðum pipar og salti. Nuddið rósmaríni og
hvítlauk á kjötið eftir steikingu og setjið á grind inn í ofn við 120°C.
Þegar eldaðir eru stórir vöðvar er best að nota kjöthitamæli og er kjötið miðlungs
steikt þegar mælirinn sýnir 60°C, eftir að það hefur staðið við stofuhita í 10
mín. Takið kjötið úr ofninum þegar mælirinn sýnir 56-68°C kjarnhita.
Annars miðast eldunartími við um 30 mín. á kg eða þar til vöðvinn er orðinn stífur viðkomu en ekki harður.
Afhýðið lauka og sneiðið eins þunnt og mögulegt er.
Skerið kartöflur í hæfilega stóra bita.Steikið á pönnu með lauknum Kryddið
með salti að steikingu lokinni.
Verði ykkur að góðu!
Frekari upplýsingar: