Íslenskt Heiðalamb

Íslenska heiðalambið frá Kjarnafæði hefur svo sannarlega slegið í gegn enda um einstaka vöru að ræða. Lambalærið er kryddað með villtum íslenskum kryddjurtum frá Blóðbergsgarðinum Sandi 2 í Aðaldal. Þarna fer því saman það tvennt af því besta úr íslenskri náttúru: íslenska lambakjötið og kryddjurtir af heiðum landsins - og útkoman er hreint út sagt ómótstæðileg.

Íslenska heiðalambið frá Kjarnafæði hefur svo sannarlega slegið í gegn enda um einstaka vöru að ræða. Lambalærið er kryddað með villtum íslenskum kryddjurtum frá Blóðbergsgarðinum Sandi 2 í Aðaldal. Þarna fer því saman það tvennt af því besta úr íslenskri náttúru: íslenska lambakjötið og kryddjurtir af heiðum landsins - og útkoman er hreint út sagt ómótstæðileg.

Kryddjurtablandan sem notuð er á Íslenska Heiðalambið saman stendur af blóðbergi, birki, bláberjalyngi, aðalbláberjalyngi og einir, blanda sem smellpassar með íslensku lambakjöti. Íslensku kryddjurtirnar eru handtíndar yfir sumarið og þurrkaðar í sérgerðu vinnsluhúsi við heitan blástur. Þá er jurtunum komið fyrir í loftgötuðum kössum, sem geymdir eru á hlýjum og dimmum stað í minnst tvo mánuði, þar til jurtirnar eru tilbúnar til notkunar fyrir kjötmeistara Kjarnafæðis. Kryddjurtaframleiðslan er eins lífræn og hún frekast getur orðið því enginn tilbúinn áburður er notaður við þetta. Það þarf því engan að undra að útkoman sé góð.

Íslenska Heiðalambið er frábær ofnsteik en ekki síður gott á grillið. Þegar lambalæri er grillað er gott að nota það sem hefur verið kallað 'óbein grillsteiking'. Þá er kjötið ekki grillað beint yfir eldinum, heldur til hliðar við hann, svo að fitan lekur ekki beint niður á kolin og engir logar gjósa upp. Þetta er einungis hægt að gera á lokuðu grilli og í rauninni má segja að grillið virki eins og ofn; steikingin verður hægari og jafnari, hitinn lægri, en kjötið steikist í gegn án þess að brenna og þorna að utan og verður mun safaríkara og meyrara en við venjulega grillsteikingu. Það þarf lítið að fylgjast með grillinu, enda er engin hætta á að kvikni í fitunni eða kjötið brenni of mikið.

Gott er að bera Íslenskt Heiðalamb fram með kartöflusalati og kaldri pipar- eða hvítlaukssósu frá Kjarnafæði. 

Íslenskt Heiðalamb er að sjálfsögðu án MSG, eins og annar kjöt frá Kjarnafæði.

Innihaldslýsing, smella hér.