Lamb eldað með Kjarnafæði | Kjarnafæði

Marokósk ættaður lambapottréttur með kanil og broddkúmen í tómatsósu

Thu, 10 Mar 2016 15:57:00 +0000

Blandið öllum kryddum og salti saman og veltið lambagúllasinu upp úr kryddblöndunni. Steikið kjötið í olíu á stórri hárri pönnu við mikinn hita í 4-5 mín eða þar til kjötið er brúnað. Bætið þá hvítlauknum, lauknum, gulrótunum, selleríi og papriku á pönnuna og steikið í 3 mín í viðbót. Bætið þá niðursoðnum tómötum og tómatpurre á pönnuna og sjóðið við vægan hita í 55-60 mín.

Léttsteikt lambafille með sitakesveppum

Fri, 04 Mar 2016 11:31:00 +0000

Skerið ½ cm djúpa tígla ofan í fituna. Kryddið með salti og pipar. Steikið fillein í 2 msk af olíu í 5-6 mín eða þar til kjötið er vel brúnað á öllum hliðum. Takið þá kjötið af pönnunni og setjið í eldfast mót. Bætið 2 msk of olíu á sömu pönnu og steikið sveppi, lauk og hvítlauk í 3 mín. Kryddið með salti og pipar. Þá er steinselju og hvítvíni bætt á pönnuna og vínið soðið niður um ¾.

Lamba-framfille með sólberjasósu

Fri, 04 Mar 2016 11:14:00 +0000

Hitið 2 msk af olíu á pönnu og steikið lamba-framfille í 4-5 mín eða þar til það er vel brúnað á öllum hliðum. Kryddið með salti og pipar. Takið þá kjötið af pönnunni og setjið í eldfast mót. Bætið 2 msk af olíu á sömu pönnu og steikið laukinn í 1 mín án þess að brúna hann. Bætið þá sólberjasultu, sykri, balsamik ediki, púrtvíni, timjani og lárviðarlaufi á pönnuna og sjóðið niður um ¾ .

Ekta indverskt lambalæri með Garam masala hjúp

Tue, 16 Feb 2016 12:04:00 +0000

Skerið alla fitu af lambalærinu. Skerið ½ cm tígla ofaní kjötið og setjið það í eldfast mót. Setjið allt annað hráefni í matvinnsluvél og maukið vel. Hellið maukinu yfir lambalærið og hyljið vel með plastfilmu. Geymið í kæli yfir nótt. Steikið lærið í ofni við 120°C í 2 ½-3 klst. Skafið þá allt jógúrtið úr ofnskúffunni og dreifið jafnt yfir lærið.

Saltkjöt og baunir

Mon, 08 Feb 2016 08:41:00 +0000

Setjið kjötið í pott með 2,5 L af vatni og sjóðið við vægan hita í 60-75 mín. Hitið olíu í öðrum potti og kraumið beikon og lauk í 2 mín. Bætið þá baunum og vatni í pottinn og sjóðið við vægan hita í 30 mín. Hrærið í pottinum reglulega. Bætið þá 1-2 kjötbitum í súpupottinn og sjóðið í 30 mín í viðbót.

Lambakótilettur í raspi

Wed, 03 Feb 2016 10:42:00 +0000

Bankið kótiletturnar lítillega með buffhamri. Veltið kótilettunum fyrst upp úr hveiti. Pískið saman mjólk og eggjum og veltið síðan kótilettunum upp úr eggjablöndunni og síðast upp úr raspinu. Hitið smjörið á pönnu og steikið kótiletturnar við töluverðan hita í 3-4 mín á hvorri hlið eða þar til þær verða gullinbrúnar. Kryddið með salti og pipar.

Lambahryggur með kryddjurtum, hvítlauk og tómötum

Wed, 03 Feb 2016 10:29:00 +0000

Skerið sitthvorumegin við hryggsúluna niður að rifbeinum á hryggnum. Þrýstið kryddurtunum niður með hryggsúlunni beggja vegna. Kryddið hrygginn með salti og pipar. Færið hrygginn í ofnskúffu og bakið í ofni við 180°C í 50 mín. Hellið þá víninu yfir hrygginn og leggið tómatana og hvítlaukinn ofan á kryddjurtirnar. Bakið í 10 mín í viðbót.

Léttsteiktar lambalundir á volgu spínatsalati með kryddjurtapestó

Tue, 19 Jan 2016 10:50:00 +0000

Kryddið lundirnar með salti og pipar og seikið í 2 msk af olíu á vel heitri pönnu í 2 mín eða þar til lundirnar eru fallega brúnaðar. Færið þá lundirnar í ofnskúffu og bakið við 180°C í 2-3 mín. Hitið 2 msk af olíu á vokpönnu eða potti og kraumið avokadó og tómata í 1 mín.

Kjöt í karrí á tvo vegu

Wed, 13 Jan 2016 08:52:00 +0000

Skolið kjötið í köldu vatni og setjið í pott. Hellið köldu vatni yfir kjötið þannig að rétt fljóti yfir það. Hleypið upp suðu. Veiðið fitu og sora ofan af þegar suðan kemur upp. Bætið salti og lambakrafti í pottinn og sjóðið við vægan hita í 60 mín. Kraumið laukinn í olíu í potti í 2 mín. Bætið þá karrí í pottinn og látið krauma í 1 mín. Hellið 5 dl af lambasoði í pottinn náið upp suðu og þykkið með sósujafnara, hrærið vel í á meðan. Berið fram soðnum hrísgrjónum og kartöflum.

Áramótatríó

Wed, 06 Jan 2016 15:23:00 +0000

Hálffrystið hangikjötið og skerið í þunnar sneiðar. Setjið rjómaost, sesamfræ, sítrónusafa og pipar í skál og blandið vel saman. Kreystið vatnið af matarlímsblöðunum og bræðið yfir vatnsbaði. Hellið matarlíminu út í rjómaostinn og hrærið vel saman. Leggið kjötsneiðarnar á álpappír þannig að þær myndi 20 x 20 cm ferning.

Léttreyktur lambahryggur með rauðrófum í rauðvínssósu

Mon, 21 Dec 2015 15:07:00 +0000

Skerið allt kjötið af beinunum og bindið upp í rúllu, sjá Kjarnafæði eldhúsið á INN eða á www.kjarnafaedi.is . Setjið rúlluna í steikarapott. Hitið olíu í potti og kraumið skallottulauk, sveppi og rauðrófur í 3 mín. Bætið þá tómatmauki, balsamikediki og rauðvíni í pottinn og hleypið suðunni upp. Hellið úr pottinum í steikarapottinn. Þá er timjani, lárviðarlaufum og lambasoði bætt í pottinn og kryddað með pipar. Leggið lok á steikarpottinn og færið í 160 °C heitan ofn í 60 mín.

Hægeldað lambalæri með bernaisesósu

Mon, 21 Dec 2015 14:56:00 +0000

Kryddið lærið með pipar. Setjið helminginn af rósmarín og timjan í eldfast mót. Leggið lærið ofan á og setjið restina af kryddunum yfir. Leggið lok á mótið eða alpappír yfir. Bakið við 60°C Í 18 klst. Takið þá lærið úr ofninum og hækkið ofninn í 220°C. Spreyið lærið með smjörspreyi og saltið. Bakið án loks í 10 mín eða þar til lærið er fallega brúnað.

Lambalæri með hvítlauk og kryddjurtum

Thu, 10 Dec 2015 16:01:00 +0000

Setjið lambasoðið í ofnskúffuna með lambalærinu og losið alla steikarskóf úr skúffunni. Kraumið lauk í potti í 2 mín án þess að brúna. Bætið þá lárviðarlaufi, timjan og rósmarín í pottinn ásamt hvítvíni og sjóðið niður í síróp. Bætið þá soðinu úr ofnskúffunni í pottinn og þykkið soðið með sósujafnara.

Íslensk lambakjötssúpa og Marokkósk lambakjötssúpa

Mon, 30 Nov 2015 18:36:00 +0000

Setjið súpukjötið í pott ásamt salti og vatni. Látið suðuna koma upp og veiðið alla fitu og froðu af soðinu með ausu. Látið sjóða við vægan hita í 30 mín. Skerið allt grænmetið og kartöflurnar í bita og setjið allt nema hvítkálið og súpujurtirnar í pottinn ásamt pipar og sjóðið í 20 mín. Bætið hvítkáli og súpujurtum í pottinn og sjóðið í 15 mín til viðbótar.

Lambaframhryggjasneiðar með rauðvínssósu

Mon, 30 Nov 2015 17:55:00 +0000

Kryddið sneiðarnar með salti og pipar og steikið í olíu á vel heitri pönnu í 5-6 mín eða þar til þær eru fallega brúnaðar. Færið þá sneiðarnar í eldfast mót. Steikið lauk, beikon, sveppi, gulrætur og sellerí á sömu pönnu í 3 mín og færið síðan í eldfasta mótið ásamt timjan, lárviðarlaufi, tómatpurre og rauðvíni. Bakið við 180°C í 1 klst. Sigtið vökvann úr eldfasta mótinu í pott og bætið soði saman við.