Ris à l'amande
Þessi frábæri grautur er löngum orðinn órjúfanlegur hluti af íslenskum jólum. Hann kemur upprunalega frá Danmörku, þrátt fyrir að nafnið vísi til Frakklands.
| 2 dl | Hrísgrjón (grautargrjón) |
| 5 dl | Vatn |
| 5 dl | Nýmjólk |
| 1-2 stk | Vanillustangir |
| 3-4 msk | Sykur |
| 5 dl | Rjómi, þeyttur |
| 75 g | Möndlur, afhýddar og hakkaðar |
| 1 stk | Heil mandla, afhýdd |
| 25 g | Möndluflögur, til skreytingar |
-
Komið upp suðu á vatninu, bætið hrísgrjónunum í og látið malla í 10 mín.
- Bætið við mjólkinni og vanillustöngum og látið suðu koma upp. Látið grautinn malla í 30-35 mín. á lágum hita og hrærið reglulega í, svo hann brenni ekki við.
- Takið grautinn af hellunni, fjarlægið vanillustangirnar og bætið við sykri.
- Setjið grautinn í skál og afkælið.
- Hrærið möndlum og rjóma út í kaldann grautinn.
- Berið grautinn fram með kirsuberjasósu og skreytið með möndluflögunum.
- Í staðinn fyrir vanillustangir má nota vanilludropa, uþb. 1-2 tsk. Bætið þá dropunum við þegar grauturinn er orðinn kaldur, smakkið hann til þar til gott vanillubragð er komið fram.
Kirsuberjasósa
| 800 g | Kirsuber, í glerkrukkum |
| 1 msk | Maizenamjöl |
| 1 dl | Kalt vatn |
| ½ dl | Kirsuberjavín |
- Setjið kirsuberin og safa í pott og látið suðu koma upp.
- Leysið mjölið upp í vatninu. Takið pottinn af hellunni og hrærið blöndunni saman við.
- Látið suðuna koma upp. Bætið kirsuberjavíninu við að lokum. Berið sósuna fram heita eða kalda.
