Bratwurste pylsur með kartöflusalati.
Þýsku Bratwurst pylsurnar bragðast einstaklega vel með kartöflusalati.
Guðrún Jóhannsdóttir sendi þessa ljúffengu uppskrift inn.
Fyrir 2
3-4 stk Bratwurstpylsur
Kartöflusalat
| 6-8 stk | Kartöflur, hráar (magn eftir stærð) |
| 4-5 cm biti | Púrrulaukur |
| 1 msk | Kapers |
| 1 tsk | Fransk sinnep |
| 2 msk | (Ólífu)olía |
| 2 msk | Hvítvínsedik |
Salt og pipar
- Kartöflurnar afhýddar og skornar í teninga. Soðnar þar til þær eru mjúkar eða í um það bil 8 mínútur - eiga ekki að sjóða í mauk. Betra að setja smávegis salt í soðvatnið.
- Pylsurnar steiktar eða grillaðar á meðan.
- Soðinu hellt af kartöflunum og mesti rakinn látinn gufa upp af þeim.
- Púrrulaukurinn saxaður mjög smátt.
- Olían, edikið, sinnepið, salt og pipar hrært eða þeytt vel saman.
- Kartöfluteningunum, söxuðum púrrulauknum og kapersnum blandað í skál og leginum úr olíunni, edikinu og sinnepinu hellt þar yfir.
- Bragðbætt með meira sinnepi, ediki, salti eða pipar ef þess þarf.
"Mér finnst upplagt að breyta öðru hvoru svolítið til og nota til dæmis graslauk eða jafnvel ferskar kryddjurtir í staðinn fyrir púrruna (eigi maður hana ekki til) og í staðinn fyrir kapers má nota til dæmis smátt saxað sýrt gærnmeti, relish eða einhverns konar “pickles” sem fólki líkar bragðið af - eða jafnvel saxað ferskt grænmeti". Guðrún
Verði ykkur að góðu!
